kikilhiburan.blogspot.com

武肺隔離漸遠，疫下生活已長達半年，看書煲劇居家做運動成為新日常。看書，從來都是好事，這半年來，又有那一本書讓你獲利良多，想推薦給朋友？女星名人二代有這些選擇。

林嘉欣

推薦：《From Clay to Kiln》Stuart Carey

為何會睇：「對我嚟講係好正常嘅取向，我真係好鍾意clay、好鍾意陶作。」

讀後得着：「作者Stuart Carey係響倫敦Central Saint Martins教土，呢本書係一本好好嘅introduction，對陶作初學者係一本好好嘅基礎書。Stuart Carey響入面分享咗好多搓泥、素燒時，或者上釉前後，出入爐會遇到嘅問題，佢都會提出，直情有一個list，例如：點解燒完出嚟會裂咗呢？顏料會痴埋一齊呀？呢個對剛學咗半年時間嘅我，係好實用，好多分享都係佢經驗之談，書仲有好多圖片，好清晰。我前一晚睇完書，第二日去陶室用他講嘅手勢，即刻順暢咗好多喎。」

梁詠琪

推薦：《深河 》遠藤周作

為何會睇：「呢本書係我去完一次探訪之後，同團一個慈善機構女仔介紹俾我睇，因為我地討論過關於宗教嘅事，響疫情期間，我第二次重睇呢本書。 」

讀後得着：「俾本書吸引嘅地方，係本書講咗不同宗教。響同人傾計講到宗教時，我都會有不同嘅反思、討論，得出唔同答案，但其實好多嘢係冇答案嘅，係需要用人生經驗去參透。小說入面有一個人物叫大津，睇到最後都幾感動嘅，因為到最後會發覺，不論你相信甚麼宗教，你所相信嘅信念，並唔係一個遙遠嘅神，而其實係響人間當中，係他人嘅內心，或者他人呈現嘅方式，就已經係你心中所相信嘅神一樣，響你生活周圍出現。小說個結尾係好感動，第一次睇我係睇到喊，好值得重睇。」

張蔓莎

推薦：《思考的蘆葦》——太宰治最真摯的人生告白

為何會睇：「自己平常偏好日本文學，喜歡太宰治嘅幽默和狡黠。經過書店看到封面上，引用咗法國哲學家「人不過是一根蘆葦，是自然界最柔弱的東西。但他是一根能思想的蘆葦。」疫情期間，大家都多咗好多個人獨處時間 ，包括自己，覺得呢本書至少能啟發一些和周遭環境嘅思考。」

讀後得着：「全書共分四輯，其中讓我最深刻的第四輯〈交鋒〉有兩篇。《關於朋黨》裏有一句：「我雖然渴求好友，卻無人肯與我來往，因此我不得不「孤低」。不過，這種說法也是騙人的，其實我預感到「朋黨」的痛苦還不如選擇「孤低」。」對年輕人嚟講，響群體中獲取力量係正常事，但是響佢看來「朋黨」就未必如我們想像中有益，呢點對我來說也幾有趣。另一篇《討厭藝術》，「切記不要隨便裝飾字面、無謂地描寫風景、胡亂寫些花名，請努力追求誠實、力求印象正確即可。⋯⋯要主觀！建議你保持強烈的主觀。秉持單純的目光。」我很認同。還有，我覺得現今社會嘅人都有一份壓抑，即使內心有許多不滿和憤怒，都不敢發洩，所以當看到太宰治能如此直言不諱，確實有種莫名快感。」

鄭丹端女兒鄭瑤

推薦：《I remember nothing》Nora Ephron

為何會睇：「我呢幾個月睇咗好多書，最近翻睇咗呢本來自紐約作家Nora Ephron嘅散文系列，我好鐘意嘅幾套浪漫喜劇《Harry met Sally》《You’ve got mail.》都係佢寫。」

讀後得着：「非常有趣！佢好擅長講人變老、老咗呀其實都係人生常事，好多我們可能好擔心、覺得好大問題嘅事，她都有方法講得好有趣，令整件事變得輕鬆。呢樣真係好好，因為過去一年太艱難，四周充斥着壞消息時，能夠開開心心，大笑一陣，真是一個好好嘅喘息時間。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！

Let's block ads! (Why?)




September 01, 2020 at 11:16AM
https://ift.tt/34WOsXD

【add名人時尚】林嘉欣梁詠琪女星推薦疫下看過的一本好書 - 香港蘋果日報

https://ift.tt/2AJfx3I