kikilhiburan.blogspot.com

疫下生活長達半年，看書煲劇居家做運動已成新日常。看書，從來都是好事，這半年來，又有哪一本書讓你獲利良多，想推薦給朋友？女星名人二代有這些選擇。

林嘉欣 陶作

推薦：《From Clay to Kiln》Stuart Carey

為何會睇：對我嚟講係好正常嘅取向，我真係好鍾意clay、好鍾意陶作。

讀後得着：作者Stuart Carey係喺倫敦Central Saint Martins教陶作，呢本書係一本好好嘅Introduction，對陶作初學者係一本好好嘅基礎書。Stuart Carey喺入面分享咗好多搓泥、素燒時，或者上釉前後，出入爐會遇到嘅問題，佢都會提出，直情有一個list，例如：點解燒完出嚟會裂咗呢？顏料會黐埋一齊呀？呢個對剛學咗半年時間嘅我，係好實用，好多分享都係佢經驗之談。書仲有好多圖片，好清晰，我前一晚睇完書，第二日去陶室用佢講嘅手勢，即刻順暢咗好多喎。

梁詠琪 信念

推薦：《深河 》遠藤周作

為何會睇：呢本書係我去完一次探訪之後，同團慈善機構一個女仔介紹畀我睇嘅，因為我哋同團有討論過關於宗教嘅事，喺疫情期間，我係第二次睇呢本書。

讀後得着：俾本書吸引嘅地方，係本書講咗不同宗教。我喺同人傾偈講到宗教時，都會有唔同嘅反思、討論，得出唔同答案，但其實好多嘢係冇答案嘅，係需要用人生經驗去參透。小說入面有一個人物叫大津，睇到最後都幾感動，因為到最後會發覺，不論你相信乜嘢宗教也好，你所相信嘅信念，並唔係一個遙遠嘅神，其實係喺人間當中，係他人嘅內心，或者他人呈現嘅方式，就已經係你心中所相信嘅神一樣，喺你生活周圍出現。小說個結尾係好感動，第一次睇我係睇到喊，好值得重睇。

鄭丹端女兒鄭瑤 散文

推薦：《I Remember Nothing》Nora Ephron

為何會睇：我呢幾個月睇咗好多書，最近翻睇咗呢本來自紐約作家Nora Ephron嘅散文系列，我好鍾意嘅幾套浪漫喜劇《Harry met Sally》《You’ve Got Mail》都係佢寫。

讀後得着：非常有趣！佢好擅長講人變老、老咗呀其實都係人生常事，好多我們可能好擔心、覺得好大問題嘅事，佢都有方法講得好有趣，令件事變得輕鬆。呢樣真係好好，因為過去一年太艱難，四周充斥壞消息時，能夠開開心心、大笑一陣，真係一個好好嘅喘息時間。

張蔓莎 哲學

推薦：《思考的蘆葦》——太宰治最真摯的人生告白

為何會睇：自己平常偏好日本文學，喜歡太宰治嘅幽默同狡黠。經過書店睇到封面，引用咗法國哲學家「人不過是一根蘆葦，是自然界最柔弱的東西。但他是一根能思想的蘆葦。」疫情期間，大家都多咗好多個人獨處嘅時間 ，包括自己，覺得至少啟發一啲同周遭環境嘅思考。

讀後得着：全書共分四輯，其中讓我最深刻係第四輯《交鋒》有兩篇。《關於朋黨》中有一句：「其實我預感到『朋黨』的痛苦還不如選擇『孤低』。」對年輕人嚟講，喺群體中獲取力量係屬正常事，但佢睇「朋黨」卻未如我哋想像中有益，對我嚟講都幾有趣。《討厭藝術》對藝術創作嘅分析，「建議你保持強烈的主觀。秉持單純的目光。」我好認同，我覺得現今社會嘅人都有一份壓抑，即使內心有好多不滿同憤怒，都唔敢發洩，所以當睇到太宰治可以咁樣直言不諱，確實有種莫名快感。

更多精采時尚內容，盡在http://add.appledaily.com。

Let's block ads! (Why?)




September 01, 2020 at 01:02AM
https://ift.tt/2G7V1vS

【add名人時尚】她們的日常書 - 香港蘋果日報

https://ift.tt/2AJfx3I